Lasterketa honetan, Igamoko txirrindulariekin batera, Zatikako neskak egongo dira eta taldea osatzeko, Lokatzako koloreak defendatzen, aipatutako Helena Jones estatubatuarra eta Lea Rondel frantziarra. Biak ala biak, beraien talde nazionaleko kide dira eta irailean Suitzan jokatuko diren Munduko Txapelketak dituzte begiz jota.
Larunbatean Abadiñon izango dute lehen etapa eta ezaugarrietako bat harbidea izango da. Elorrion, hiru alditan, harbidetik igaro beharko dute. Bigarren etapa aldiz, Iurretan izango da eta lau mendate izango dituzte, eskalatzaileentzat aproposa.
