Bergarako Udaletik bidali zaie ostalariei parte hartzeko gonbita eta eskatzen zaien bakarra da jendaurrean erabiltzen dituzten karteletan, menuetan, oharretan, web orrietan… euskara erabiltzea. Eta euren testuak euskarara itzultzeko laguntza ere eskaintzen zaie. Horretarako Bergarako Udaleko Euskara Zerbitzura (euskara@bergara.eus) edo UEMAra (943 81 66 99) jo daiteke. Gainera, Bergarako Udalaren webgunetik ere deskargatu daiteke hiztegia.
Gonbita jaso ez duen norbaitek kanpaina honetan parte hartu nahi badu, Udaleko Euskara Zerbitzuan eska dezake. Horretaz gain, herritarrak eta bisitariak euskaraz egitera animatzeko beste informazio-orri bat ere banatuko da.
Bertatik Bertara kanpainaren inguruko informazio gehiago, UEMAren webgunean.
