Ekain hasieran ekin zioten uda- ko futbol txapelketari eta dagoeneko fase erabakigarrian da. Multzokako faseko neurketak eta final laurdenak jokatuta, erabakita gelditu da ze taldek jokatuko dituzten ligako, kopako eta nesken txapelketako finalerdiak. Datorren astelehen eta asteartean jokatuko dira finalerdi horiek 19:00etan eta 20:00etan. Final handiak, berriz, datorren ostiarelan jokatuko dira
Ligan, Arabes, BSC, Txepetxak eta Txinpartak taldeak lehiatuko dira finalerako txartela lortzeko. Zeinek zeinen aurka jokatuko duen, zozketa bidez erabakiko da; partidu hauek astelehenean eta asteartean jokatuko dira 20:00etan.
Kopan berriz erabakita daude norgehiagokak. Alde batetik, Leones de Montepinar eta Litxar taldeak arituko dira aurrez aurre, eta, bestetik, Elgeta eta LH Artaldea saiatuko dira finalerako txartela lortzen. Bi neurketan 19:00etan jokatuko dira.
Nesken txapelketan lau taldek eman dute izena aurten eta laurak igaro dira finalerdietara. Astelehenean 19:00etan jokatuko diren partiduetan, Txutxufletas-QCS taldeen arteko neurketatik irtengo da lehen finalista, eta, Amama-MDLB taldeak lehiatuko dira finalerako bigarren txartela eskuratzeko.
