Autoetatik ezin irtenda geratu dira bi gidariak, emakume bat eta gizon bat, eta suhiltzaileen laguntza behar izan dute. Horien aurretik iritsi dira ertzainak eta su itzalgailuak erabili dituzte lehenbailehen itzaltzeko sua eta gidaria autotik ateratzeko. Zaurituetako bat Arrasateko ospitalera eraman dute eta bestea Txagorritxu ospitalera, Gasteizera.
Saihesbidea itxi egin behar izan dute istripuaren ondorioz eta trafikoa Labegaraietatik bideratu dute ordu pare batez. 17:00ak bueltan ireki dute berriro.
Ertzaintza istripuaren lekukoen bila dabil eta hori ikusi dutenak Zumarragako Trafiko Sailarekin jartzeko harremanetan eskatu dute, honako telefono zenbakira deituta: 943 53 91 19.