Idoia Torregaraik eta Josu Zubiak jardungo dute epaile, eta baita gaurko artista gonbidatu Iker Plazaolak ere. Debalde da, baina gonbidapena eskuratu behar da aurrez.
Telebistan eta plataformetan
Algaraka saio guztiak grabatu egingo dituzte; hortaz, Goiena telebistan asteburuan hainbat alditan eskainiko dute aurreko astean Bergarako Seminarixoan egindako saioa: gaur, 20:30ean; bihar, zapatua, 18:00etan; eta domekan, 22:00etan. Horrez gainera, EITBren Primeran plataforma digitalean ere badago dagoeneko.
Finalerako sarrerak salgai
Gaurko kanporaketa jokatu ondoren, datorren egubakoitzean, maiatzaren 24an, Zumaiako Aita Mari aretoan jokatuko dute azkena, eta maiatzaren 31n, izango da finala, Bergarako Seminarixoa aretoan. Sarrerak dagoeneko salgai daude, lau eurotan.
