Bergarako Elortza-Boluko errota ezagutzeko aukera egon da gaur goizean Gipuzkoako Errota Egunaren harira egiten ari diren ekintzak direla eta. Zazpi lagun izan dira Bergarako baserrian, eta han ordubete inguruko bisita egin dute Amaia eta Xabin Zabaleta neba-arrebek gidatuta.
Giro ederrean egin dute saioa eta aurrenik kanpoan ingurunea zelan zegoen azaldu du Amaia Zabaletak eta, besteak beste, kanal zaharra izan du berbagai. Ondoren, errota dagoen lekura sartu dira eta han errotaren historia eta funtzionamendua azaldu ditu, gainera, tresnak nahiz errotaren piezak bertatik bertara ikusi nahiz ukitzeko aukera izan dute bertaratu direnek.
