Bergarako pilotariek Amasa-Villabonakoen aurka jokatu zuten, atzo, egubakoitza, Herri Arteko pilota txapelketa. Kadeteek (Aritz Etxabe eta Arkaitz Ilarduia) 22-7; jubenilek (Aratz Ormaetxea eta Peru Alberdi) 22-3; eta nagusiek (Gorka Martin eta Harri Otermin) 22-12.
"Kadeteen eta nagusien emaitzak ikusita, ematen du erraz irabazi zutela, baina, kostata irabazi zuten; batez ere, nagusiek. Jubeniletan, berriz, oso erraz irabazi zuten. Eliminatorioa 6-0 irabazi dugu, erraz, eta hurrengo kanporaketan, Amezketaren aurka dugu. Beraz, ondo prestatu beharko dugu…", adierazi du Julen Aranburuk, Bergarako Pilota Saileko lehendakariak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.