Hurrengo astean udako garaiko loreak sartuko ditu Bergarako Udaleko Lorezaintza Taldeak herriko lorategi desberdinetan. "Orain arte neguko loreak egon dira jarrita; pentsamenduak, antirrinunak eta biolak, zehazki. Momentuz ondo badaude ere, ezin da ahaztu negu garaiko espezieak direla eta beraz udaran nekez egingo dutela aurrera. Etxeko zaintza egokiarekin agian pixka bat luzatu daiteke beraien bizitza", adierazi dute.
Aurten, Bergarako Udalak erabaki du herritarren artean banatzea lore horiek. Horretarako, maiatzak 6an eta 7an, Oxirondo plazan, azokako karpa azpian, mahai batzuk jarriko dira herritarren artean loreak banatzeko. Ordutegia 12:00etatik 14:00etara izango da, agortu arte.
