Martitzenean, apirilak 30, patata-tortilla lehiaketarekin ekingo diete jaiei, 19:15ean; norberak eroan behar ditu osagaiak, sua barne, eta, ondoren, tortillak eta bestelako ogitartekoak izango dituzte afaltzeko kiroldegiko karpan. Gero, 21:00etan, DJ Julen Narbaiza izango dute.
Maiatzaren 1erako honako hau izango da egitaraua: diana txistulariekin (10:00); meza, salda eta txorizoa (11:00); gaztetxoentzako marrazki topaketa (11:00); auzo-poteoa musika eskolako fanfarrearekin (13:00); auzo bazkaria, janaria norberak eroanda (14:30); auzo-krosa (16:00); ume eta gaztetxoentzako jolasak (17:30) eta, ondoren, txokolate-jana eta erraldoiak.
