Bergarako Erraldoien Taldeak bi erraldoi berri aurkeztuko ditu 2024ko Pentekosteetan eta, Jardunekin elkarlanean, familia handitzera datozen bi pertsonaia berrien izena erabakitzeko lehiaketa antolatu dute 6 eta 18 urte arteko ume eta gaztetxoei zuzenduta. Proposamenak egiteko azken eguna izango da maiatzaren 10a.
Bereziki eskolei begira antolatu dute ekimena, eta iragarri dute sariak egongo direla: gomazko erraldoiak eta 50 euroko bonuak herriko komertziotan gastatzeko. Partaideek aukeratutako izena zergatik aukera duten ere azalduko beharko dute esku-orrian.
Gaineratu dute apirilaren 28an Zabalotegiko frontoian entsegu orokor bat egingo dutela, 16:30ean. Eta deialdia egin diete ume, gazte zein helduei bertaratzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.