Bergarak 2-0 menderatu du euskal selekzioa, Agorrosinen jokatutako lagunartekoan

Atzo, apirilak 17, partidu berezia jokatu zuten Agorrosinen, Bergara eta euskal selekzioa aritu ziren-eta nor baino nor gehiago. 16 urtez azpiko gizonezkoen taldeek lagunarteko partidua jokatu zuten; mahoneroak izan ziren garaile, 2-0. Bergara Kirol Elkarteko futbol sailak esker on hitzak izan ditu: "Futbol festa polita izan dugu Agorrosinen. Mila esker euskal selekzioari Bergaran izateagatik. Plazera izan da".