Erakusketa Ibargarai kalean jarriko dute Miguel Altuna zaharraren aldera, animalien ondoan –orain arte txorimaloak Ibargaraiko beste aldean egoten ziren–. Jardunetik gogora ekarri dute txorimaloak euskararen aldeko esaldi edo lelo bat izan beharko duela eta aurreratu dute partaideei eskerrak emango dizkietela aurrerago Seminarixoko sarrera batzuekin, merienda batekin eta zozketa batekin.
Jardun euskara elkarteak ahalegin berezia egin du aurten Erramu-zapatuan urte luzez protagonista izan diren txorimaloak berreskuratzeko; Porrotx eta Marimotots pailazoen eta Jon Ruiz de Egino barazki-ekoizle bergararraren bideo bana ere partekatu dute sare sozialetan, besteak beste. Aurten erakusketa moduan dator, zortzi talderen parte hartzearekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak