Joan den astean ekin zioten urteurrenaren aitzakian antolatu duten egitarauari. Martxoaren 5ean Iñaki Sagredo izan Bergaran La linea defensiva de la Navarra occidental en Debagoiena hitzaldia ematen.
Asteon, Habitat: ezkutatu diguten historia erakusketa dago ikusgai Olaso dorrean, arratsaldeko seietatik zortziak arte. Eta zapatuan, 11:45ean bisitaldi gidatua egingo du Beñi Agirre Nabarraldekideak, erakusketara gerturatzen direnekin.
Halaber, hurrengo bi hilabeteetan hitzaldi bana eskainiko dute. Apirilaren 23an, Juan Martin Elexpuruk Zelakoa ote zen Eneko Aritzaren denboran euskararen egoera? gaia jorratuko du Olaso dorrean. Eta, azkenik, maiatzaren 7an, Xabier Irujo Estatu Batuetako Nevada Unibertsitateko katedraduna etorriko da, eta Errozabalgo guda eta Iruñeko erresumaren sorrera hartuko du berbagai.
