Martxanterak talde feministak manifestazioa antolatu du Martxoaren 8rako; San Martin plazan hasiko da, 19:00etan, eta bertan bukatuko da. Manifestazioa bukatzen denerako ekitaldi bat eta performance bat prestatzen ari direla aurreratu dute. Aurtengo leloa izango da Ez ga geldittuko bizitzak duindu artian!.
Martxanteren prestaketa Martxoaren 8ari begira
Martxanteren arabera, bilera ireki batzuk egin dituzte aurtengo Martxoaren 8ra begira: "Bilera ireki horietan, bizitza duinen aterkipean sartzen diren hainbat gai eta aldarri lantzeko espazioa sortu da. Besteak beste, zaintzaren arloko gaiak, etxebizitza eta osasun sistema izan dira gogoeta egiteko gaiak. Eskubide eta oinarrizko behar ditugun gai horien inguruan herri mailan eman daitezkeen erantzunetan sakontzen jarraitu dugu"