Saria sinbolikoa da, artelan bat izan ohi da, eta belaunaldien arteko lotura egitea ere badu helburu, artista gazteen lana sustatzearekin batera. Beraz, alde horiek barnebiltzen ditu sari honek. Lanak aurkezteko deialdi irekia egin zen, eta 2023. urte amaierarako jaso zituzten antolatzaileek lanak. Epai- mahaikideen esanetan, "kalitate handikoak" denak. Bergarako Udalak eta Olaso Dorrea Fundazioak artelana hautatzeko hiru aditu artistiko izendatu zituzten: Xabier Agirre (EHUko irakasle erretiratua eta Bergarako Beart arte elkarteko lehendakaria), Jesus Mari Lazkano (margolaria) eta Mikel Lertxundi (arte historialaria eta komisarioa).
Epaimahaikideen balorazioa
Knörri buruz honako hau diote epai-mahaikideek: "Gizateriari interesatzen zaion guztia, arteari interesatzen zaio. Arduratzen gaituzten gaiak, ziurgabetasunaren horizontea, jada ziurrak ez diren ziurtasunak, gure patua, zalantzak, gure nahiak eta mundua ikusteko eta ulertzeko modu jakin bat osatzen duen guztia. Gala Knörr mugitzen da agertoki horretan. Kultura globalak, eroritako heroiaren kontakizun eta istorioek, kolonialismo kulturala gainditzen eta bidaiatzen duten irudien inguruan lan egiten dute, desberdintasunak berdintzen dituen globalizazioaren alde. Gala Knörrek, ikonografia figuratibo pertsonal batetik, ironia handiz zalantzan jartzen du irudimen kolektiboa, azpikultura periferiko eta baztertuen inguruan, itxuraz inozoa den faktura eta prozeduran nolabaiteko baldarra maneiatzen ditu, artista bikainaren aura humanizatuz eta hura hurbilduz. Herrikoia , mass media estrategiak, marketina, zinema, ikus-entzunezko kultura edo sare sozialak berrasmatutakoak. Artea eztabaidarako ibilgailu gisa, irudia munduaren esanahia zalantzan jartzeko tresna gisa, tokikoaren eta unibertsalaren arteko hierarkiak. Irudien eta mezuen esanahiari buruz galdetzen diguten istorio ironizatuak".
Aurtengoa sariketaren laugarren edizioa da; 2021. urtean Libe Goñik Zaloak Ipiñaren artelana jaso zuen. 2022. urtean, berriz, Jose Luis Elkorok eta Mari Karmen Aiastuik Laida Lertxundik egindako lana jaso zuten. 2023. urtean Xabier Amurizak Iker Serranorena.