Bergarako PSE-EEren arabera, Sanchezen Gobernuaren zerga horiek "funtsezkoak" izan dira Ukrainako gerraren ondorioek eragindako krisi inflazionistaren garaian, administrazio publikoek gizarte-babesa indartu ahal izateko, herritar guztiei lagunduz: "Pedro Sanchezen Gobernuak ulertu eta martxan jarri zuen neurri hori energiaren sektoreak eta bankuek, energiaren prezioaren igoerarekin eta interes-tasekin lortzen ari ziren etekinen zati batekin lagundu zezaten".
Gaineratu dutenez, neurri honekin, PSOEk herritarrekin duen "konpromisoa" berresten da: "Gehien irabazten duenak gehiago lagundu behar du. Eta, batez ere, fiskalitate handiagoa lortzen da. Bidezkoa da toki-administrazioek euren egunerokoan herritarrei zuzenean mesede egiten dieten diru-sarrera gehiago izan ditzaten".