San Joxepe elkarteak ekintzak antolatu ditu asteotarako, eta karta jokoa eta domino txapelketa izango dira protagonista egunotan: gaur, esate baterako, tutean arituko dira elkartean; bihar, urtarrilak 15, musean; eguenean, urtarrilak 18, briskan; eta egubakoitzean, urtarrilak 19, dominoan. Hala ere, antolatzaileek jakinarazi dute dominoak orain arte "ez duela jarraitzaile handirik izan", eta, beraz, ez dakitela lehiaketa egin ahal izango duten. Parte hartu nahi izan ezkero, lehiaketen hasieran eman behar da izena, eta lau bikotek hartu behar dute parte, gutxienez. Sariei dagokienez, zapatuan, urtarrilak 19, banatuko dira, 18:30ean.
Otsailean, ekintza gehiago
Otsailaren 4an, Santa Ageda egunaren bezperan, San Joxepe elkarteko abesbatzak kalejira egingo du Bergaran, eguerdian. Otsailaren 13an, berriz, inauterietan, bazkaria egingo dute bazkideentzat. Otsailaren 7a da izena emateko azken eguna, eta 90 pertsonarentzat lekua dago.
