Hamar lagunek osatzen dute Bergarako txistulari banda eta zortzi bat emanaldi egiten dituzte urtean. 2017an hartu zuen zuzendari kargua Jose Miguel Laskurain eibartarrak eta bandetarako zein txarangetarako prestatutako partiturak txistulari bandarako egokitzen ari da poliki-poliki. "Bergaran 100.000 partitura inguru daude izan bandarako, danborradarako edo bestela. Poliki ari naiz, baina banabil", esan du.
Ia bete egin da aretoa emanaldirako eta hasieratik esan du Laskurainak gaurkoa Donostiako danborradari eta Aratusteei eskainia izango zela. Bergarako danborradakoak ere egon dira tartean. Dozena bat pieza jo dituzte guztira.
Hurrengo kontzertua otsailaren 11n
Bergarako txistulari bandak otsailean egingo duen kontzertuak badu eguna. Otsailaren 11n izango da, Aratuste-domeka. "Luzaideko karnabalak aukeratu ditugu eta lau dantzari ere izango ditugu emanaldirako". Bertaratzea gonbidatu ditu bergararrak.