Eremu sozioekonomikoan hizkuntzen kudeaketa egokia egiteko esperientziak ezagutzea, irakaspenak partekatzea eta horien gainean eztabaidatzea du helburu kongresuak. Hala, Harixak euskararen normalizazioan eskaini dezakeen bultzada nabarmendu du Gorka Artola Bergarako alkateak: "Euskara esparru ezberdinetara hedatu behar da, eta garrantzitsua da gure hizkuntza enpresa mundura ere zabaltzea".
Eusko Jaurlaritzako Kultura eta Hizkuntza Politika Sailak eta Ekonomia Garapen, Jasangarritasun eta Ingurumen Sailak antolatu dute doakoa izango den kongresua. Euskal Herriko zein nazioarteko 50 hizlarik baino gehiagok parte hartuko dute antolatu diren mahai-inguru eta hitzaldietan. Bertaratu nau duen orok izena eman behar du aurrez.