Dirulaguntzei dagokienez, lau izango dira: haur eta gazteen aisialdi jardueratarako begirale zein zuzendari titulua euskaraz lortu dutenentzat; Bergarako Udal Euskaltegietatik kanpo euskara ikasten ari direnentzat; UEUk antolatutako ikastaroetan parte hartu dutenentzat; eta UNEDeko Idazle Eskolak antolatzen dituen modulu eta hitzaldietan parte hartu duten herritarrentzat.
Eskaera epeei dagokienez, aisialdiko begirale edo zuzendari titulua euskaraz lortu dutenek otsailaren 4a baino lehenago aurkeztu beharko dute dokumentazioa; gainontzeko guztietan, berriz, irailaren 15a baino lehenago, Bergarako udaletxeko erregistro orokorrean.