Azaroan, Aurretiazko Borondateen Dokumentuak osatzeko tailerra egin zuten; atzo eta gaur, berriz, dokumentu horiek Bergarako anbulatorioan erregistratzeko aukera izango dute, haiek emandako hitzorduaren arabera –dokumentuan agertuko diren pertsona guztien nortasun agirien fotokopiak aurkeztu beharko dira orriarekin batera–.
Bestalde, abenduaren 18tik 21era Gabonetako Billar torneoa egingo dute. Bazkideek hartu dezakete parte soilik, eta irabazlea, saria eskuratzeaz gain, San Joxepe elkarteko ordezkari izango da 2024an Gipuzkoan egingo den txapelketan.
Azkenik, hilaren 21ean San Tomas eguna ospatuko dute elkarteko bazkideek. 18:00etik aurrera, txistor-jana egingo dute elkartean eta tarte bat hartuko dute billarreko torneoaren sari banaketa egiteko.