Urtero omendu ohi ditu Bergarako odol-emaile elkarteak odol-emate gehien egin dituzten herritarrak. Horretarako, kontuan hartzen dituzte odol-ateraldi kopuruak: zilarra –25 odol-emate–, urrea –40 emate emakumeen kasuan eta 50 gizonezkoen kasuan– eta odol-emaile nagusienak –60 odol-emate emakumeetan eta 75 gizonezkoetan–.
Aurten denera, 29 herritarri egingo diete aitortza. 19 dira 25 emate baino gehiago egin dituztenak, hiru emakume 40 donaziotik gora, bost gizonezko 50etik gora eta odola 60 eta 75 aldiz eman duten emakume eta gizon bana.
Era berean, Bergarako odol-emaile elkarteak eskerrak eman nahi dizkio Bergarako Udalari San Joxepe Elkartea odol-ateraldiak egiteko uzteagatik eta San Joxepeko zuzendaritzari baita ere, omenaldia bertan egiteko aukera emateagatik.
