Urteroko ohiturari jarraituz egingo dute Gabonetako kontzertua frontoian abenduaren 23an, eta sarrerak abenduaren 13tik aurrera erosi ahal izango dira. Alde batetik, www.seminarixoa.eus webgunean jarriko dituzte salgai egun horretan bertan 18:30etik aurrera. Bestela, Seminarixoko leihatilan ere jarriko dituzte salgai hilaren 13an eta 20an, 18:00etatik 20:00etara bitartean. Bergarako Udalak aurreratu du, pertsona bakoitzak gehienez ere sei sarrera erosi ahal izango dituela. Sarrerak zortzi euro balio ditu.
Halaber, emanaldiaren egunean sarrerak geratzen badira, 19:00etan zabalduko dute txarteldegia; sarrera guztiak aurrez gastatuz gero, aldiz, ez dute irekiko.
Gainera, Udalak adierazi du kontzertuaren egunean emanaldia hasi baino 10 minutu lehenago itxiko dituztela ateak, eta 20:20tik aurrera ikusleak ezin izango direla frontoira sartu.
