Mikel Zabaleta Murgiondo bergararra joan den domekan hil zen, Somo hondartzan, piraguismoa egiten ari zela bihotzekoak emanda. Osasun zerbitzuetako langileak erreanimatzen saiatu ziren arren, ezin izan zuten ezer egin.
Nafarroako Unibertsitatean egin zituen Medikuntza ikasketak eta, ondoren, pneuomologian espezializatu zen, Valdecillan (Kantabria). Laredoko ospitalean hainbat urtez lan egin ostean (1992-2015), Valdecillara itzuli zen eta, geroztik, han egiten zuen lan (Hospital Universitario Marques de Valdecilla). Biriketako minbiziaren tratamenduan erreferenteetako bat zen eta dibulgatzaile lanak ere egiten zituen.
