Zapatuan gazte mailako Goizper BKE taldeko neskek 22-26 irabazi zuten Legazpin, eta emaitza horrekin matematikoki euren multzoko txapeldun geratu dira ligan. "Partidua orain arte jokatutako eskasena izan zen, defentsan nahiko ahul eta erasoan momentu askotan noraezean, baina garaipen horrekin multzoko irabazleak izatea lortu dute", adierazi dute klubetik.
Oraingo asteburuan azken jardunaldia jokatuko dute, baina berez ez dute ezer jokoan, matematikoki eginak dituzte eta etxerako lanak. "Zaleen berotasunarekin ospatuko dugu liga garaipena eta partidua irabaziz gero lehia guztiak irabazi dituen taldea bilakatuko gara".
Hala, zapatuan 16:00etan izango da eskubaloi jaia, orduan jokatuko dute-eta bergararrek Mundarroren kontrako partidua.
