09:30ean emango zaio hasiera Jakiunde Zientzia, Arte eta Letren Akademiak ArantzazuLaben egingo duen udazkeneko osoko bilkurari. Hitza hartzen lehena Jakiundeko lehendakari Juan Ignacio Perez izango da eta Victor Gomez Filosofia katedradun emerituak Entre la necesitad natural y la 'singularidad' tecnológica. Nuestra frágil y abisal inteligencia hitzaldia emango du. Goizean zehar egingo dute kide urgazle berrien bozketa.
Jakiunde Zientzia, Arte eta Letren Akademia 2007an sortu zen zientzien, arteen, literaturaren eta gizartearen erronka handiei buruzko hausnarketa, diagnostiko eta aholkularitzarako gune bat izateko asmoarekin eta, gaur egun, 101 kidek osatzen dute. 2017an, "belaunaldien arteko ikuspegi bat" gehitzeko helburuarekin "talentu gazteak" kide urgazle gisa barnean hartzea erabaki zuen Jakiundek.
