Iñaki Lakarra informatika ingeniariaren eta Mondragon Unibertsitateko ikertzailearen eskutik, 15 ikasle inguruk "sakon eta praktikoki" ulertu zuten zer nolako aplikazioak dituen adimen artifizial (AA) sortzaileak; horretarako, ardatz gisa, ChatGPTk eta AAko beste tresna sortzaile batzuek eskaintzen dituzten aukerak aztertu zituzten.
Barnetegi teknologikoan zehar, partaideek AAko tresna sortzaile hauek nola erabili ikasi dute. Erabilera errealeko kasu ugari ikusi dira programan zehar, baita tresna bakoitzak dituen erabilera mugak eta arriskuak ere.
Horrez gain, AA sortzailearen oinarrizko hurrengo kontzeptuak aztertu zituzten:
- Aplikazioak eta erabilera-kasuak hainbat industriatan.
• ChatGPT eta beste LLM eredu batzuk.
• Testuak, irudiak, bideoak eta bestelakoak sortzea.
• Kontsulta espezifikoak – Prompt engineering.
• Praktika eta ariketa interaktiboak.
• Mugak eta balizko arazoak.
• Sortzen ari diren alternatibak eta aplikazioak (Bard, Copilot, Azure AI, LLaMa, etab.).