Bergarako Greba batzordeko kideek honela azaldu dute grebarekin bat egiteko beharra: "Ezinbestekoa deritzogu gaia kalera atera eta eztabaida zein hausnarketa sakona egitea herritar guztion artean. Izan ere, denok daukagu zainduak izan eta zaintzeko eskubidea, jakin badakigu, denok gure bizitzan zehar momenturen batean zainduak izan beharko garela. Honekin batera, beharrezkoa da zaintza lan hauek baldintza duinetan egin eta denon artean konpromezu zehatzak hartzea. Ekintza hau, azaroak 30eko Greba Orokorra antolatzen ari garen egitarau barruan kokatzen da. Eta era berean, Bergarako herritarrak animatu nahi ditugu Greba Feminista Orokorrarekin bat egin deituta dauden ekintza eta bileretan parte hartuz. Hurrengo bilera azaroak 8an izango da Irizar Jauregixan 18:30etan".
