Kronopaisaiak deitzen da Berta Barroso eta Ana Ester Fz. Callek osatu duten erakusketa. Bergarako toki eta pertsonaien tamaina eta formatu ezberdinetako argazkiak erabili dituzte bildumako 26 collageak sortzeko. Tartean ikus daitezke Michelle Angiolillori, Telesforo Aranzadiri edota tostoi-errellenoei eskainitako obrak, besteak beste. Egileek aurreratu dutenez, ez dute Bergararekin lotura zuzenik, eta hortaz, aurrez ikerketa lan garrantzitsua egin behar izan dute.
Gaur inauguratuko da erakusketa, 19:00etan, eta azaroaren 5era bitartean egongo da zabalik. Bertaratzen direnek "paisaiaren eta denboraren arteko harremanak" ikusi ahal izango dituzte. Honako ordutegia izango du erakusketak: martitzenetik egubakoitzera, 18:00-20:30; zapatuan, 12:00-14:00 eta 18:00-20:30, eta, domeka nahiz jaiegunetan, 12:00:14:00.