Andoni Mujika Lituianian jokatuko den Europako Kudo txapelketan izango da hilaren 29an. Bergararra Selekzio Nazionalak hautatua izan da txapelketara joateko, eta iaz Erroman lortutako bigarren postua errepikatzen edo hobetzen saiatuko da. "Maila ona egongo da, baina aurkariak ikusita zerbait lortzeko aukera ikusten dut. Iaz helburu finkorik gabe bigarren izan nintzen; aurten, ordea, lehen hiruren artean egoteko asmoa- rekin noa", dio Mujikak.
Gainera, helburu horiek lortzeko prestaketa lan handiak egin ditu, eta momentu aproposean heldu zaio Lituaniako aukera. "Entrenamendu asko egin ditut, egunean bi ordukoak, eta beste txapelketekin alderatuz, fisikoki hobeto iritsiko naiz honetara. Mentalki ere, beste txapelketa batzuetako esperientziatik ikasita, une honetan prestatuago nago zentzu horretan", aitortu du bergararrak.