64 urtetik gorako pertsonei eta euren senide edota zaintzaileei daude zuzenduta saio horiek, erorikoak dira-eta 64 urtetik gorakoen lesio eragile nagusiak Euskal Autonomia Erkidegoan. Tailerrak Agorrosinen egingo dira, bi saio teoriko eta praktikotan: urriaren 24ean eta 26ean, 16:30etatik 18:00etara. Bertan azalduko dira, besteak beste, zergatik gertatzen diren istripu horiek eta zer egin aurrea hartzeko, zer garrantzizkoak diren ohitura osasungarriak eta ariketa fisikoa, edota nolako laguntza teknikoak dauden eskuragarri –telelaguntza, laguntza teknikoak, etxeko laguntza…–.
Doan eman daiteke izena, osasun-zentroan (943 03 54 00) edo Agorrosinen (943 77 70 95), bertaratuta edo telefonoz deituta.
