Urriaren 12ko ekitaldiaren zergatia honela azaldu dute Dekolonizatu Bergara taldekoek: "Kristobal Kolon Amerikara heldu zenekoa ospatzen da data horretan, eta ekitaldiarekin, historia ofizialak ahaztu nahi izan dituenak ekarriko dira gogora. Kolonizatzaileen aldetik jatorrizko herriek jasandako hondamendia eta mendeetako egiturazko sakeoa eta arrazakeria salatuko dira; herri kolonizatuak kontuan izango dituen memoria inklusiboagoa eta justuagoa eraikitzeko, Bergaran ere urratsak eman beharraz ohartarazi nahi dugu".
Danborradako pankartaren azalpena
Dekolonizatu Bergara taldearen lehen ekintza publikoa izango da urriaren 12koa, eta azaldu dute zergatik jarri zuten Tanborrada bai, estanpa zertarako? zioen pankarta San Martin jaietan: "Danborrada osteko antzerkian San Martin Agirreri egiten zaion gorazarrearen inguruan hausnartzeko helburua zuen".