Esandako moduan, Bretxa musikalean parte hartu zuten aktore, musikari, dantzari eta partaide guztiak egongo dira domekako proiekzioan. Vegarekin batera musikala zuzendu duen Valen Moñuxen arabera, berriz ere elkartzeko eguna izango da domekakoa: "BAM elkartearen helburuetako bat, Bergaran, herri mailan, kultura partekatzeko gune bat sortzea da, eta musikalaren proiekzioarekin inguruko artistak berriz ere biltzeko aukera izango dugu".
Bergarako Antzerki Musikala (BAM) elkarteak Bretxa proiektatuko du domekan Seminarixoko zineman (11:30). Sarrerak doan eskatu ahalko dira leihatilan, agortu arte. "ETBk emititu zuena ikusi ahalko da; aitzakia polita izango da partaide guztiei, berriz ere, publikoki eskerrak emateko eta herriaren aurrean gure lana erakusteko", dio musikaleko zuzendarietako bat izan den Oihan Vegak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak