Mariaren Lagundia Ikastolatik elkartrukearen garrantzia azpimarratu dute, halako esperientziak ikasleentzat aberasgarriak direla irizten baitiote pertsonaren errealizazio eta garapena lantzeko: "Beste herrialde bateko kultura, jendea edota ohiturak ezagutzeko eta komunikatzeko ingelesa erabiltzeko aukera ezin hobea dela iruditzen zaigu".
Herbeereetako ikasleak Bergarako familien etxeetan daude eta Bergarako txokoak nahiz ingurukoak ezagutzeko aukera izango dute. Gorka Artola alkateak ongietorria egin zieten atzo ikasleei, eta egunotan Laboratoriuma bisita eta Donostiara txangoa egingo dute. Bestalde, euskara ikasteko ikastaroa ere jasoko dute.
Martxoan, Herbehereetara
Proiektuari jarraipena emateko Mariaren Lagundiko 43 ikasle eta 3 irakasle martxoaren 9tik 16ra bitartean Warnsveld herrira joango dira, eta herbeeretarrek egin duten modura, hango familien etxeetan hartuko dute ostatu elkartrukearen esperientzia bizi eta proiektuaren helburuak betetzeko.
