Gaur egungo galiboen altuerak egokituko dituzte A-636 errepideko zati batean eta Bergara iparraldean zein hegoaldean dauden AP-1 autobiderako sarbideetan. Hori dela eta, eguaztenean gaueko 21:30etatik 02:00etara itxita egongo dira errepide tarte horiek. Aukera alternatibo gisa, Telleriako biribilgunea erabiltzea gomendatzen du Foru Aldundiak. Bergara iparraldeko sarbidea goizaldeko 05:00ak arte egongo da itxita, eta, beraz, Bergara hegoaldeko sarbidea erabiltzea da beste aukera.
Eguenean berriz, Bergara hegoaldeko sarbidea izango da itxiko dena; 22:00etatik 02:00etara. Kasu honetan, Arrasateko irteera erabili beharko da eta, ostera, GI-627 errepidetik jarraitzeko. Foru Aldundiak adierazi du lanak gauez egingo direla "trafikoan ahalik eta eragin txikiena izateko".
