Bergarako Al Badr komunitateak eta Aranzadi ikastolak Marokoko lurrikarek kaltetutako herritarrei elkartasuna adierazteko material bilketa antolatu dute, elkarlanean. Aranzadi Ikastolako sarrera nagusian jasoko dute materiala, eta Al Badr komunitatea arduratuko da guztia batu eta Marokora bidaltzeaz. Irailaren 18tik 27ra iraungo du elkartasun kanpainak.
Aranzadi ikastolatik jakitera eman dutenez, honako materiala jasoko dute:
• Mantak
• Kanping-dendak (oihal-etxeak)
• Karpak
• Arropa ume zein helduentzat
Dei egin diete bergararrei kanpainan parte hartu dezaten: "Bergarar guztiak gonbidatu nahi ditugu ekarpena egitera, ikastolako ateak zabalik egongo dira elkartasuna adierazi nahi duen ororentzat".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
