Irailaren 21ean, eguena, Angiolillo liburutegiak hasiera emango dio bere 15. denboraldiari bi kontzerturekin. Alde batetik, Black Magic Six bikote finlandiarrak eskainiko du emanaldia. Antolatzaileek aurreratu dutenez, "lehen aldia da, Alemaniatik behera jotzen dutena. Ez dute espainiar estatua, ezta Frantzia zein Italian jo". Garage eta trash blues punk nahasketa egiten dute. Bestalde, pub rock eta punk rock nahasketa egiten duen Bamms talde hernaniarra arituko da. 2017an sortua eta 2021ean kaleratu zuten disko bakarra. Kartzela zaharrean izango dira, 19:30ean hasita eta sarrerak zortzi euro balio du.
Angiolillo liburutegitik azaldu dute 15 urte hauetan 90 ekintza inguru egin dituztela, eta gehienak liburu aurkezpenak izan arren, antzerkiak eta kontzertuek ere izan dutela euren lekua.
