Nerea Agirrezabalek (Bergara, 1994) ezin izan du historia egin. Kontxako Bandera inoiz baino gertuago ikusi dute Tolosaldea arraun taldekoek; baina, joan zen astean lotutako tarte txikiari ezin izan diote eutsi gaur. Irteera puntura ilusioarekin joan direla dio Agirreazaldegik: "Aurreko astean egindakoarekin gustura, ilusioz geunden eta indartsu. Aukerak genituela sinesten genuen". Joan zen asteko lana errepikatzen saiatu diren arren, ez dute lortu. "Gaur itsasoa bare zegoen, eta kaleei dagokienez ez zegoen alderik. Hasiera hasieratik ez dugu arraunketa hartu, ez da bestelako akatsik egon", dio bergararrak. Joan zen astean dena ondo irten zitzaien eta gaur, ordea, ez.
Arraun Lagunak taldeak irabazi du Kontxako bigarren jardunaldia eta baita bandera ere; eta, haiengandik 21 segundotara sartu dira tolosarrak. Bada, Kontxako Banderak ihes egin die Agirrezabali eta haren taldekideei.
16. Kontxako Bandera. Emakumezkoen sailkapen nagusia:
- Arraun Lagunak. 21:01.14
- Donostiarra. 21:10.50 +9.36
- Orio. 21:19.22 +18.08
- Tolosaldea. 21:22.14 +21.00
- Hondarribia. 21:54.80 +53.66
- Hibaika. 21:55.88 +54.74
- Zumaia. 22:07.10 +1:05.96
- Kaiku. 22:15.16. +1:14.02
Denboraldia amaitutzat
Agirrezabalaren Tolosaldeak amaitutzat eman du denboraldia gaurkoarekin. Ospakizun arratsaldea izango dute; 20:00etan ongi-etorria dute Tolosan.
