"Erronka handiak izango ditugu. Neska gazteak maila berrira egokitu beharko dira; iazko maila ona mantendu ezkero aurten ere emaitza aparta lortuko dute. Gabezia handiena atezainetan dugu eta neska berrien bila ari gara hutsune hori betetzeko". Infantil mailako neskek bi talde izango dituzte aurten ere.
Mutilei dagokienez, senior mailan bi talderekin jarraituko dute, Gipuzkoako lehen eta bigarren mailan. Lehen taldeak iaz erretiratu ziren Alatz Etxebarriurteun-en eta Eibarrek fitxatu duen Andoni Moñuxen "hutsune garrantzitsuei" egin beharko die aurre; bigarren mailan jokalarien prestaketa lehenetsiko dute aurten ere. Kadete mailan bi talde osatuko dituzte, eta espero dute aurten kadetetan bigarren urtea egiten dutenekin bereziki emaitza "oso onak" lortuko dituztela.
