Denboraldi aurrean murgilduta daude gure bailarako taldeak, eta, prestaketa horretan, lagunartekoak jokatzen ari dira. Bergararen kasuan, gaur zita berezia zuten Agorrosinen, Bergara Hiria Txapelketaren hogeita hamaikagarren edizioa jokatu baitute.
Zumaiako taldea izan dute aurkari mahoneroek, baina ezin izan dute garaipena eskuratu. Huts eta hiru nagusitu dira kanpotarrak, eta, modu honetara, eurentzat izan da aurtengo Bergara Hiria Txapelketa. Bergararrek errebantxarako aukera izango dute, ligan ere elkarren aurka arituko direlako.
