Denboraldi berria hastear dela BKEko futbol eskolan (2012tik 2015era jaiotakoak) eta alebin, infantil, kadete nahiz jubenil mailan aritu nahi duten jokalari guztiek bihar dute azken eguna izena emateko www.bergarakedenda.com atarian. Klubak adierazi du jokalari berriek izena ematerakoan kuota+pack delakoa hautatu behar dutela; aurreko urtetik jarraitzen dutenek, berriz, kuota soilik. Bestalde, jakinarazi du "beharrezkoa den arroparen bat" faltaz gero, webguneko dendan erosi beharko dela. Kadete, jubenil eta senior mailako taldeak entrenatzen hasiak dira, eta datorren astean infantil eta alebinen txanda izango da. Futbol eskola urriaren 2an hasiko da.
Halaber, zapatuan jokatuko dute Bergarak eta Zumaiakok Gizonezkoen XXXI. Bergara Hiria Futbol Txapelketa, Agorrosinen, arratsaldeko bostetan.
