Bi egile donostiarrek arroz paper luzeak dituzte langai, eta horietan islatzen dute euren lana, koloreztatuz. Zintzilik dituzte eginikoak Bergarako Aroztegi aretoan, eta era horretan dago osatuta instalazioa.
Beraz, interesa duenak, abuztuaren 13ra arte izango du Basati erakusketaz gozatzeko aukera. Martitzenetik egubakoitzera 18:00etatik 20:30era egongo da zabalik aretoa; zapatutan, 12:00etatik 14:00etara eta 18:00etatik 20:30era; eta domeka zein jaiegunetan, 12:00etatik 14:00etara.