Ekainaren 3an zen ospatzekoa Bergarako Labegaraietan skate festa, baina eguraldia zela-eta atzeratu egin behar izan zuten eguna. Hala ere, egitaraua dagoeneko argitaratuta dago, eta, hain zuzen ere, bihar ospatuko dute, zapatua.
11:30etik 13:00etara skate hastapen saioa izango da. Jarraian, eguna ospatzera joaten direnentzako parrillada gertatuko du antolakuntzak. Bazkalostean, berriz, 15:00etan, zehazki, skate libre saioa izango da; 17:00etan, skate txapelketarekin jarraituko dute; eta eguna amaitzeko, Azkaiter Pelox musika taldeak kontzertua egingo du.
