LGTBIQ+ Harrotasunaren Nazioarteko Egunaren bueltan, hainbat ekimen prestatu ditu Bergarako Udalak: herriko markesinetan horma-irudi batzuk itsatsi ditu eta Irala kaleko faroletan telak jarri dituzte kolektiboaren banderaren koloreekin. Hain zuzen ere, karteletan ageri diren lau erraldoiek dantza egingo dute gaur Irala (19:15), bikotez aldatuta.
Gorka Artola alkateak nabarmendu du beharrezkoa dela egun solte bateko aldarrikapenez gain, lanketa urteko egun guztietan egitea. Hain zuzen, helburu horri erantzuten diete markesinetako horma-irudiek, ekainaren 28a pasa ondoren ere hor mantenduko baitituzte, kolektiboari ikusgarritasuna ematea eta jendea kontzientziatzea helburu. Kartelen eta horma-irudien diseinuak Aitor Cengotitabengoa Iraegik egin ditu.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.