EH Bilduren Udal Gobernuak hiru batzordeen funtzionamenduarekin jarraitzea proposatu zuen eta aurrera egin zuen proposamenak, EAJren abstentzioarekin eta PSE-EEren aldeko botoarekin. Herritarrak batzordeko arduraduna Maite Usabiaga izango da; Lurralde batzordekoa, berriz, Aitor Narbaiza; eta Antolakuntza batzordeko lehendakaritza Ainhoa Letek hartuko du.
Alkatearen eta zinegotzi liberatuen soldatak
Horrez gain, alkateari eta zenbait zinegotziri dedikazioa aitortzea ere adostu zuten. Jardun osoko aitorpena izango dute Gorka Artola alkateak, Herritarrak eta Antolakuntza batzorde informatzaileetako lehendakariek eta Maite Agirre zinegotziak. Heren bateko jarduneko aitorpena izango du, aldiz, Aitor Aranzabal zinegotziak.
Honako hauek dira zinegotzi liberatuen urteko soldata gordinak, ekainaren 17tik aplikatuko direnak:
- Gorka Artola alkatea (EH Bildu), %100eko dedikazioan: 55.683,46 euro.
- Ainhoa Lete zinegotzia (EH Bildu), %100eko dedikazioan: 44.765 euro.
- Maite Usabiaga zinegotzia (EH Bildu), %100eko dedikazioan: 42.585,76 euro.
- Aitor Aranzabal zinegotzia (EH Bildu), %33ko dedikazioan: 14.193,83 euro.
- Maite Agirre zinegotzia (EAJ), %100eko dedikazioan: 38.710,42 euro.
- EH Bilduko zinegotzi Aitor Narbaizaren liberazioa ere aurreikusten du Udal Gobernuak, aurrerago zehaztuko dutena.
