Zaintza sistema publiko eta komunitario baten alde lelopean egingo da greba, eta egueneko batzarraren lehen helburuetako bat horren gaineko informazioa partekatzea izango da.
Horrez gain, greban egingo diren aldarrikapenak lantzen hastea ere bada asmoa. Azaldu dutenez, zehaztutako lehentasunen artean Martxanterak taldeak urtetan landu dituen gai konkretu batzuk daude: "Hala nola, egoera administratibo irregularrean dauden pertsonen erregularizazioa, etxebizitza eskubidea, pentsio duinak edota etxe barruko erregimenaren debekua".
