Mikel Aristegi bergararra Non Stop modalitatean dabil egiten Transpyrenees 2023 bizikleta zeharkaldia. Atzo 20:00etan hasi zuten kirol erronka, Empordako Llança herrian, eta helburua da geratu barik –atsedenaldi txikiak eginez– iristea Donostiara. Tartean 1.050 kilometro egin beharko dituzte, Pirineotako 33 mendate igo –25.000 metro positibo–.
Transpyrenees iraupen luzeko ultra proba bat da, bizikletan egiten dena, eta labur esanda, helburua da Pirineoak alderik alde zeharkatzea, ahalik eta gutxien geratuta. Eta horretan dabil, atzo arratsaldeaz geroztik, Mikel Aristegi bergararra. Orain momentuan Igor Anton ziklista ohia doa lehenengo postuan, eta oraingoz Marco Martins izeneko ziklista da erritmo horri eutsi dion bakarra. Bergararra, berriz, 46. postuan dago.
Hemen ikus daiteke, zuzenean, txirrindulari bakoitza non doan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
