Bergarako Hirunako saskibaloi txapelketak ehunka jokalari batuko ditu asteburuan zehar San Martin plazan. Gaur goizean infantil, kadete eta juniorrak ibili dira jokatzen, eta arratsaldean, beroari aurre egiten, senior mailakoak dabiltza, baita kategoria mixtoan ere. Bihar, berriz, gaztetxoenek jardungo dute. Guztira 77 talde pasako dira San Martingo plazako kantxatik, 300 jokalari baino gehiago.
"Bergarako Hirunako txapelketak hamabost urte bete ditu aurten, eta oso pozik gaude, bergararrek oso ondo hartzen duten kirol hitzordua izatearekin batera Gipuzkoa mailan ere erreferentziazko torneoa bilakatu delako. Ordizia eta Urretxuko jokalariak izan ditugu, esaterako, goizean. Kanpotik ere etortzen dira txapelketan parte hartzera, eta pozgarria da", adierazi du BKEko saskibaloi saileko kirol zuzendari Xabat Irazolak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
