Batzarkideei dagokienez, hamazazpi aukeratu beharko dituzte guztira, eta herritar bakoitzak bere auzoari dagozkion beste ordezkariren izenak jarriko ditu bozkatzeko paperean.
| Hautatuak | |
| Asentzio | 1 |
| Azkuneta | 2 |
| Errekaldea | 2 |
| Goimendi | 2 |
| Kalia | 4 |
| Maindda | 2 |
| Parteitti | 2 |
| Zabaletamendi | 2 |
| GUZTIRA | 17 |
Alkatea, ostera, zuzenean aukeratuko dute biztanleek, eta, horretarako, batzarkideetatik kanpo emango dute izena, kargu horretarako zein proposatzen duten esanaz.
Bozkatzeko ordutegia
Mahai nagusia saloian jarriko dute, eta zabalik izango da 10:00etatik 14:00etara bitartean. Mahai-ibiltaria, berriz, hiru auzotara gerturatuko da: Goimendira, 12:00etan; eta, Zabaletamendira, 12:30ean.
Hain justu, lau urtetik behin egiten dira Angiozarko bailarako hauteskundeak, San Juan egunaren hurrengo domekan. Alkate izendatze ekitaldia, berriz, San Migel jaietako domekan egiten da, meza bukatu ostean. Hala egingo dute aurten ere, San Migel Goiaingeruaren elizatean, jendaurrean.
