Paleoarte inguruko erakusketa bat zabalduko dute bihar, ekainak 2, Bergarako Laboratorium museoan. 'Iragana Ilustratzen: Mauricio Anton eta paleoartea' da erakusketaren izena eta bertan Mauricio Anton Ortuzarren (Bilbo, 1961) lanen bitartez, gaur egun existitzen ez diren homininoen espezieak eta beste animalien irudiak eta horiek sortzeko prozesua ikusi ahalko da.
Paleoartearen aditua den Antonek, besteak beste, hainbat artikulu zientifiko argitaratu ditu Madrilgo Natura Zientzien Museo Nazionaleko (CSIC) Peleontologia sailarekin eta BBCrekin eta National Geographic-ekin lankidetzan aritu da ikus-entzunezko paleontologikoak egiten. 2006an, Society of Vertebrate Paleontology-ren Lazerdorf saria irabazi zuen ilustrazio zientifiko onenagatik. 2020an, berriz, Basler Chair of Excellence-a lortu eta paleoarte eskolak eman zituen Easte Tennessee State Universityn.
Erakusketa ikusgai abuztuaren 21era arte
Euskal Herriko Unibertsitateko Kultura Zientifikoko Katedrak, EHU Kulturak eta Laboratorium Bergara Zientzia museoak, Madrilgo Museo Arkeologiko eta Paleontologikoarekin batera antolatutako erakusketa da. Bihar, egubakoitza, inauguratuko dute eta ekainaren 2tik abuztuaren 21arte egongo da ikusgai.
